Dumani në krye të SPAK, ja si votuan 10 anëtarët e KLP

Altin Dumani u zgjodh kreu i ri i SPAK me pesë vota pro, ndërsa procesi u ndoq nga afër edhe nga ambasadorja e SHBA-së, Yuri Kim.

“votat sipas kandidatëve nga ana e anëtarëve të Këshillit të Lartë të Prokurorisë:

Për Altin Dumanin:

1. Bujar Sheshi
2. Zeqir Hoda
3. Ledina Riza
4. Eloida Goxhi
5. Arta Mandro

Për Edvin Kondilin votuan:

1. Alfred Balla
2. Tartar Bazaj
3. Nurihan Seiti
4. Mirela Bogdani

Për Adnan Xholin votoi:

Sokol Stojani

Ambasadorja e SHBA-së në Shqipëri, Yuri Kim, ka qenë e pranishme ditën e sotme në procesin e zgjedhjes së kreut të ri të SPAK-ut.

Kim u shpreh se nuk ishte e pranishme aty për t’i thënë dikujt se kë duhet të votojnë, por ishte aty për të theksuar rëndësinë e procesit.

“E shoh që ka shumë teori konspirative që qarkullojnë. Dua të shpjegoj pse kam ardhur. Ky është një moment i rëndësishëm për reformën në drejtësi dhe SPAK-un. Erdha për të thënë saktësisht që ky është një moment i rëndësishëm. Erdha për të thënë se ajo që është e rëndësishme për këtë tranzicion.

Nuk jam këtu për t’i thënë asnjërit se kë të votojë. Nuk ka mesazhe të fshehura. SHBA ka qenë e drejtpërdrejtë me Shqipërinë. Ju e dini faktin se unë nuk jam një person që i bëj gjërat e buta. Unë them atë që nënkuptoj. Përfaqësoj politikën e SHBA-së. Mbetet prioritet i SHBA-së që reforma të zbatohet plotësisht. Është bërë shumë përparim dhe shumë njerëz meritojnë kredite për këtë, duke filluar me qeverinë e këtij vendi.

Merita i shkon edhe opozitës dhe kritikëve që mbajnë qeverinë të ndershme”, tha Kim.