Shembja e bllokut të pallateve tek “Myslym Keta”/ Belind Këlliçi: Për të prishur e shkatërruar, shteti zgjohet që pa gdhirë…

Sot në orët e para të mëngjesit ka nisur shembja e një blloku pallatesh në rrugën “Myslym Keta”, pasi njëri prej tyre është dëmtuar nga tërmeti i tre viteve më parë.

Për këtë ka reaguar edhe deputeti i PD, Belind Këlliçi, i cili hedh akuza mbi shtetin, ndërsa thotë se nuk duronin dot as sa të shprehej gjykata.

Sipas tij, kjo që po ndodh me këtë bllok pallatesh është e paligjshme.

“Për të prishur e shkatërruar, shteti zgjohet që pa gdhirë. Një batalion me qindra policë mbron paligjshmërinë e kryetarit të bashkisë.

Nuk duronin dot sa të shprehej gjykata. Zdromsit i hanë duart për pare”, shkruan Këlliçi.