E moshuara bie nga shkëmbi në Kishën e Laçit, ndërron jetë

Pelegrinazhi në Kishën e Shën Ndout në Laç nisi me tragjedi në të martën e parë të saj. Një e moshuar humbi jetën pasi ra nga një lartësi ku po ndizte qirinj.

E moshuara ishte kapur për një gurë dhe në një moment ka rrëshqitur duke rënë për tokë. 

Pavarësisht dhënies së ndihmës së parë, gruaja, rreth të 60-ve, nuk ka mundur t’u mbijetojë plagëve dhe ka ndërruar jetë rrugës për në spital.