Rama pas deklaratave të Borrell për zgjedhje të reja në Veri: Pa u liruar tre policët nuk ka hapësirë për përparim!

Kryeministri Edi Rama ka reaguar pas deklaratave të Josep Borrell se në veri të Kosovës duhet të zhvillohen zgjedhje të reja sa më parë, me qëllim qetësimin e situatës mes Kosovës dhe Serbisë.

Për kryeministrin Edi Rama pa u liruar tre policët nuk ka asnjë hapësirë për të bërë përparim të vërtetë.

Sipas tij, pasi të lihen të lire tre policët duhet një veprim i fortë i Francës dhe Gjermanisë, për të ndaluar sipas Ramës këtë spirale absurditet.

“Pa tre djemtë që largohen shëndoshë e mirë nga Serbia, nuk ka hapësirë ​​për të bërë asnjë centimetër përparim të vërtetë! Sapo të kthehen në shtëpi, nevojitet një veprim i ri i fortë i Francës dhe Gjermanisë për të ndaluar këtë spirale absurditeti! POR Gjëja e parë E PARË: LIRO 3 POLICET!”, shkruan Rama ne twitter.

Deklarata e Borrell

Përfaqësuesi i lartë i BE-së, Josep Borrell ka thënë se në takimet që i ka pasur sot me Kryeministrin e Kosovës, Albin Kurti dhe Presidentin e Serbisë, Aleksandër Vuçiçin, janë pajtuar se duhet të ketë zgjedhje të hershme në katër komunat veriore të Kosovës.

“Takimi i sotëm nuk u fokusua në shumë në çka por në atë se si dhe kur – do të qetësohet situata në terren, me shumë konkrete , si të organizohen zgjedhje të reja dhe si të kthehen në dialog dhe të zbatojnë të gjitha detyrimet e dialogut, në veçanti marrëveshjen e fundit në rrugën e normalizimit”, tha Borell të enjten.