UEFA merr vendimin rreth pjesëmarrjes së katalanasve në Champions

Temat më të nxehta të këtij sezoni në kompeticionet ndërkombëtare janë lidhur me pranimin e Barcelonës nga UEFA pas skandalit të pagesave ndaj drejtuesve të Komitetit të Gjyqtarëve për shumë vite me radhë. Katalanasit ende janë nën hetim në vendin e tyre për shkak të dyshimeve se këto pagesa kanë ndikuar në rezultatet e tyre në fushën e lojës.

UEFA hapi hetim dhe shqyrtoi dokumentacionin e kësaj çështjeje për disa muaj dhe sot, Komisioni i Apelit të UEFA-s vendosi të pranojë përkohësisht aplikimin e Barcelonës për të marrë pjesë në kompeticionet ndërkombëtare për edicionin 2023-2024. Megjithatë, UEFA rezervoi të drejtën për të marrë një vendim më të detajuar rreth pranimit apo përjashtimit të Barcelonës nga këto kompeticione në të ardhmen, duke u bazuar në zhvillimet e reja nga drejtësia sportive në Spanjë lidhur me këtë çështje.

Në vendimin e UEFA-s, theksohet se Barcelona është e detyruar të informojë në mënyrë aktive për vazhdimësinë e hetimeve dhe të bashkëpunojë duke siguruar çdo lloj dokumentacioni apo informacioni që i kërkohet në lidhje me këtë rast. Ky çështje vazhdon të jetë e ndjeshme dhe e diskutueshme në botën e futbollit, dhe vendimi i fundit i UEFA-s do të varet nga zhvillimet e mëtejshme në hetimet e Spanjës.