Tiranë/ Sherr në grup! Burrat bëhen bashkë dhe rrahin policin

Policia e Tiranës ka njoftuar paraditen e sotme se një efektiv policie është dhunuar orët e para të mëngjesit nga një grup personash. Motivet e ngjarjes nuk janë sqaruar teksa detajet e vetme që janë bërë me dije janë inicialet e personave të përfshirë në sherr.

Ngjarja ka ndodhur në rrugën “Besim Alla” kur dy persona me inicialet B.B të cilët dyshohen se kanë lidhje familjare mes tyre, në bashkëpunim me shokët e tyre kanë dhunuar efektivin me inicialet E.F dhe të afërmin e tij me inicialet B.F.

Fillimisht ata kanë sulmuar automjetin e policit dhe të afërmit të tij, teksa këta dy të fundit kanë përfunduar në spital dhe janë jashtë rrezikut për jetën.

NJOFTIMI

“Më datë 02.09.2023 rreth orëve të para të mëngjesit, në rrugën “Besim Alla”, gjatë një konflikti për rrethana ende të paqarta, shtetasit B. B., dhe B. B., në bashkëpunim me disa shtetas të tjerë, dyshohet se kanë goditur shtetasit E. F., (punonjës policie), B. F., dhe automjetin e tyre.

Gjatë konfliktit, shtetasit E. F., i ka rënë arma e shërbimit në tokë, e cila është gjetur më pas në vendngjarje. Si pasojë shtetasit E. F., dhe B. F., janë dëmtuar dhe ndodhen në spital, jashtë rrezikut për jetën.

Grupi hetimor po punon për sqarimin e rrethanave të konfliktit, dhe identifikimin e kapjen e personave të tjerë të përshfirë”