Kukës/ Mbyllet procesi i votimit në zgjedhjet për kryetarin e Bashkisë, pritet të nisë procesi i numërimit

Është mbyllur procesi i votimit në Bashkinë e Kukësit, në zgjedhjet e parakohshme për kryebashkiakun e ri.

Zgjedhjet e sotme vijnë pas videskandalit seksual në zyrën e ish-kryebashkiakut socialist, Safet Gjicit, i cili u kap duke kryer marrëdhënie intime.

Procesi u zhvillua në 74 Qendra Votimi, një prej të cilave në institucionin e paraburgimit në Kukës.

Në këto zgjedhje të pjesshme kishte një fletë votimi, në të cilën numrin 1 e mban kandidati socialist Albert Halilaj, ndërsa i dyti renditet Emri Vata, që përfaqëson koalicionin “Bashkë Fitojmë”.

Ndërkohë pritet që të nisë procesi i numërimit të votave, ku do të përcaktohet se kush do të jetë drejtuesi i ri i Bashkisë së Kukësit.