Artan Tafani bëhet bashkëpunëtor i drejtësisë, zbardhen 6 vrasje

Artan Tafani, i riu që u arrestua pak ditë më parë pas grabitjes së armatosur në një pikë këmbimi valutor në Astir, është bërë bashkëpunëtor i drejtësisë.

39-vjeçari që nën kërcënimin e armës mori 40 mijë euro dyshohet se ka qenë pjesë e një grupi vrasësish me pagesë.

Pas arrestimit, ai ka vendosur të bashkëpunojë me drejtësinë duke zbardhur 6 vrasje, 2 në Greqi, në Tiranë, Elbasan dhe Berat. Deri më tani janë firmosur 15 urdhër-arreste.

Ndërkohë vlen të thuhet se Tafani është arrestuar pak ditë më parë në Lushnje por kapja e tij është mbajtur sekret për shkak të hetimeve dhe rrëfimeve që po bënte për ngjarjet kriminale.

Këtë të mërkurë i është komunikuar masa e sigurisë në Tiranë dhe në vijim pritet t’i komunikohen brenda vendit edhe 2 masa të tjera.