FOTO/ Pagoi zjarrvënien në lokalin në Tiranë, në 2021 i riu i shpëtoi një atentati

Është arrestuar 29-vjeçari Klizjan Bajrami pasi i vuri flakën një lokali në rrugën “Gjin Bue Shpata” në Tiranë.

I riu ishte paguar me 20 mijë lekë të rinj për t’i vënë flakën tarracës së lokalit “Urgjenca”, nga 24-vjeçari, shtetasi Reidi Balla.

Ky i fundit është një emër i njohur për policinë për shkak se në vitin 2021 i është bërë atentat tek lulishtja në rreth rrotullimin e Komunës së Parisit.

22-vjeçari Reidi Balla po shkonte drejt makinës së tij, të cilën e kishte parkuar në zonën në fjalë.

Pasi iu afrua mjetit, u godit nga një breshëri plumbash, që e lanë të plagosur.

Ngjarja ndodhi më 12 tetor 2022 në kohën kur ndeshja Shqipëri-Poloni ishte në pushim.