Skandali/ Spitali privat e shpall të vdekur, foshnja lëviz gjatë funeralit

Një spital privat në kryeqytetin indian të Nju Delhit ka pushuar nga puna dy mjekë që shpallën gabimisht të vdekur një të porsalindur.
Mjekët e spitalit privatë kishin shpallur foshnjën të vdekur pas lindjes së binjakut të tij, më 30 nëntor dhe që atëherë kjo çështje është shndërruar në një skandal kombëtar.

Prindërit zbuluan se foshnja ishte gjallë pikërisht në funeralin e tij, pasi e panë duke lëvizur në arkivol.

Incidenti nxiti zemërim dhe debat mbi cilësinë e kujdesit shëndetësor privat, i cili ashtu si në vendin tone, edhe në Indi është i kushtueshëm.

Spitali tha në një deklaratë se “ky veprim strikt është marrë në bazë të diskutimeve fillestare me ekspertët mjekësor”.

Ndërkohë prindërit kanë paditur dy mjekët si dhe kanë denoncuar rastin ne mediat lokale duke shkaktuar kështu një skandal që i kalon kufijtë e Indisë.