Ndalimi i kryekomisarit, Stilian Pasho për trafik droge, ministri Balla: Përgëzime AMP-së për dokumentimin e plotë të rastit

Vetëm pak ditë pas emërimit të Florian Sulejmanit në  krye  të AMP  duket se vijnë dhe rezultatet  para. Këtë të enjte është ndaluar në Korçë Zv.drejtori i Policisë Kufitare.

Është vënë në pranga nga oficerët e Agjencisë së Mbikëqyrjes Policore, zvdrejtori i policisë kufirit, Stilain Pasho pasditen e sotme.

Lajmin e konfirmoi ministri i Brendshëm, Taulant Balla. Ai deklaroi se zyrtari i policisë dyshohet se është i përfshirë në trafikun e narkotikëve.

“Kur unë mora detyrën u shpreha se një rrënjë kanabisi nuk ka shans të rritet, pa një polic që paguhet për të mos e parë apo se një parcelë kanabisi nuk ka një mundësi të vetme të korret, pa një shef komisariati që paguhet nga trafikantët për të mos e shkulur. Sapo është ndaluar nga Agjencia e Mbikqyrjes Policore një Kryekomisar, me detyrë Shefi i Sektorit te Sherbimeve te Kufirit ne Drejtorine Vendore te Kufirit dhe Migracionit Korçë, i dyshuar për pëfshirje në “Trafikim të narkotikëve”.

Përgëzoj Agjensinë e Mbikqyrjes Policore për dokumentimin e plotë në bashkëpunim të ngushtë me Prokurorinë pranë Gjykatës Shkallës Parë të Juridiksionit Përgjithshëm Korçë.

Shpreh besimin se drejtimi i ri AMP dhe forcimi i bashkëpunimit me agjencive e tjera ligjzbatuese si SHISH, Prokuroria e Përgjithshme dhe SPAK do ta intensifikojnë procesin e vetë-pastrimit të Policisë së Shtetit.

Përgëzime dhe vetëm përpara!”, theksoi Balla