Përfituan 36 MLN euro, marrin edhe rreth 800 milionë lekë

Ermal Rizaj së bashku me Orjada Jaho, janë dy pronarët të paktën me letra të kompanisë farmaceutike O.E.S DISTRIMED. Në vetëm 4 vitet e fundit, këta dy personazhe me anë të kompanisë së tyre, kanë përfituar 3,728,326,696 lekë të reja ose rreth 36 milionë euro nga paratë e shqiptarëve.

Kryesisht këto para janë marrë nëpërmjet tenderave në fushën e shëndetësisë. Tashmë pa iu dridhur aspak qerpiku, kjo dyshe sapo ka përfituar edhe rreth 800 milionë lekë të vjetra me TVSH nëpërmjet tenderit më të ri të marrë nga strukturat e shëndetësisë.

Bëhet fjalë për SPITANI RAJONAL “MEMORIAL” FIER i cili ka organizuar një tender me objekt “Blerje materiale për diagnostikimin e DSA Cerebrale dhe Trombektomi”, me fond limit në vlerën 65,870,925 lekë të reja pa TVSH ose rreth 800 milionë lekë të vjetra përfshirë TVSH.

Tenderi është kryekëput i dyshimtë. Këtë e vërtetojmë fare lehtë duke shfletuar dokumentacionin e tij. Vihet re se kanë marrë pjesë 3 kompani, nga të cilat O.E.S DISTRIMED e Ermal Rizaj & Orjada Jaho ka dhënë ofertën më të lartë nga të gjithë të tjerët.

Pavarësisht se të tjerët ofruan vlera më të ulëta, nuk u morën aspak parasysh nga ana e spitalit i cili zgjodhi pikërisht si fitues çiftin e oligarkëve. Vlen gjithashtu të përmendet se njëra nga firmat pjesëmarrëse në tender ofroi zero lekë, duke përforcuar dyshimet se fituesi ishte i paraditur që në fillim.

Gjithashtu edhe nëse krahasojmë vlerën fituese me fondin limit do të shohim se është thuajse sa 100% e tij. Doni më për Belulin?