I biri vrau një person dhe bëri vetëm dy orë burg, tjetri qëlloi policinë dhe iu mbyll dosja.

A po pastron paratë me pallate dhe agjenci udhëtimi?

KPK, shkalla e parë e Vetingut, është kthyer në një kënetë korrupsionie pazaresh. Pazari për konfirmimin në detyrë nga KPK vijon nga miljona . Nuk është sekret se për të shtyrë çdo muaj një vendim shkarkimi paguhen dhjetëra mijëra euro, pasi subjekti i rivlerësimit, nga ana tjetër fiton qindra mijëra euro me pazaret me gjyqet.

Ka ardhur koha që SPAK të verifikojë dosjet e gjyqtarëve dhe prokurorëve, të cilët kanë kaluar shkallën e parë të Vetingut, por që janë shkaruar nga KPA, por sidomos shkaqet se pse disa gjyqtarë ka 4 vite që janë në proces verifikimi dhe nuk kanë dalë para KPK.

Pse disa subjekte kanë dalë para KPK brenda 12 muajve nga nisja e verifikimit, ndërsa disa të tjerë ka 4 vite që janë në proces.

Le të ndalemi në një rast konkret. Agron Zhukri, një gjyqtar plepist dhe ish shofer, nuk ka asnjë shans të konfirmohet në detyrë, pasi është i zhytur në afera korruptive, pastrim parash, fshehje pasurie, mashtrim dhe falsifikime.

Dikur shofer pranë ambasadave, Zhukri arriti të bëhej pjesë e drejtësisë, përmes kursit të famshëm të ‘Plepave’, ndërsa bashkëshortja e tij ishte sekretarja personale e Sali Berishës.

Zhukri ka vepruar gjithnjë në hije, ka bërë miliona euro me çekiçin në dorë pa zhurmë, deri në mars të vitit 2022, me një vendim në konflikt interesi i dha vulën e PD-së Komisionit të Rithemelimit të Berishës.

Pse KPK-ja nuk ka  guxim për të konfirmuar në detyrë Zhukrin?!

Çfarë po ndodh? KPK-ja shtyn prej 4 vitesh shkarkimin e Agron Zhukrit si të korruptuar. Procesi i verifikimit për gjyqtarin e vulës ka nisur që në vitin 2020.

Pse  procesi i Vetingut për ish kryetarin e Gjyaktës së Lartë, Xhezair Zaganjori ka nisur në dhjetor 2017. KPK-ja mori vendimin e shkarkimit në korrik 2018. Për 7 muaj është kryer verifikimi për Zaganjorin.

Si ka mundësi që për Zaganjorin procesi i Vetingut zgjati 7 muaj, ndërsa për Agron Zhukrin ka zgjatur 4 vite, madje mund të shkojë edhe 7 vite?

Sa para janë paguar për të shtyrë shkarkimin e Agron Zhukrit, i cili mësohet se ka përgatitur një teks dorëheqje për ta firmosur në momentin që do të paraqitet para KPK-së për t’u njohur me rezultatet e hetimit?

Shumë gjyqyarë dhe prokurorë, të cilët nuk kanë paguar tarifën tek çeta e sekserëve të KPK, janë shkarkuar me shpejtësi nga detyra. Disa janë rikthyer në detyrë nga KPA, ndërsa shumë të tjerë pritet të dalin para KPA.

Ndërkaq një nga oligatorët e korrupsionit në Gjykatën e Tiranës, Agron Zhukri, vijon pazaret me gjyqet, duke mbledhur dhe pastruar miliona euro.

Agron Zhukri ka pastruar mbi 2 milionë euro përmes një investimi 160 mijë USD në një pallat te Stadiumi Dinamo.

Pas ngritjes së SPAK-ut, Zhkuri po investon miliona euro para të pista në pallate dhe vila jashtë vendit, pasuri këto që normalisht nuk i ka deklaruar në ILDKPKI.

Kur njëri nga djemtë aksidentoi për vdekje një qytetar me makinë, nuk qëndroi as dy orë në burg. Ngjarja u mbajt e fshehtë, asnjë lajm nuk pati dhe dosja u mbyll me shpejtësi.

Në të njëtën mënyrë është mbyllur dosja e djalit tjetër, i cili qëlloi mbi efektivët e policisë në Vlorë.

Vitin e kaluar, Zhukri ka ndërmarrë edhe një lëvizje tjetër, duke hapur disa kompani për konsulencë ligjore, kamufluar në emrin e djemve Arold dhe Lorin Zhukri, ku kap klientë për dosje që ka vetë në dorë apo kolegët e tij, për të evituar konfliktin flagrant të interesit.

Aroldi  caktohet avokat kryesisht në dosje përmbarimore  duke legjitimuar vjedhjen e pronave te qytetarëve në bashkëpunim  me zyrat përmbarimore.

Në vitet 2019 dhe 2020, kanë hapur dy kompani, përmes të cilave kanë përfituar licenca për investim në energjinë e rinovueshme.

Miliona euro ka pastruar Agron Zhukri përmes bashkëshortes

Rezarta Zhukri, ish sekretare personale e Sali Berishës, me anë të një agjencie udhëtimi dhe sigurimesh, ARLO Travel-Blu Tour.

Vetëm gjatë viteve 2017-2018, kur nisi Vetingu, zonja Zhukri ka deklaruar rreth 1 milionë euro të ardhura nga agjencia.

Edhe pse prej 4 vitesh në verifikim, KPK-ja nuk ka njoftuar ende një datë për paraqitjen e Zhukrit në seancë dëgjimore, për t’u njohur me rezultatet e verifikimit.

Po kush janë gjqytarët e dosjes së Zhukrit?

Kush janë këshilltarët ligjor?

Kush është grupi i këtij skandali, anëtarët e të cilit kanë nisur të bëjnë vrap nga liqeni për t’u bërë pjesë e BKH-së?