Çifti ekstra…

Mitro Çela

Budva. Ezmerka kishte datëlindjen. 

Bëmë konak te hotel “Moska”. Me katër yje.

Mëngjes. Me pjatë në dorë kalova pranë një tavoline.

Një çift me tre fëmijë.

-Mami! Këtë xhaxhin e kam parë në “Portokalli”.

Ndalova.

-Jemi nga Tirana, – tha zonja. -Të njohim. Thua gjëra të bukura në televizor.

-Ku punoni?

-Burri ka tri vjet pa punë. Unë mbusha vitin!…

U largova. Kur zura vend në tavolinë, pas meje erdhi djali i vogël i çiftit. Nja dhjetë vjeç.

-Xhaxhi! Mba sekret?

-Po!

-Nuk do t’i tregosh mamit! Ma jep fjalën?…

Kur dole në “Portokalli”, mami i tha babit:

-Burrë më të marrë se ky Mitroja, nuk gjen në Tiranë. Do bëhet gazi i botës duke u martuar dy herë me një grua. Pika!

Thonë se e tërheq zonja për hunde?!

Iku djali… Qesha…

Një ditë më vonë.

Çifti kishte mbledhur plaçkat.

-Po ktheheni në Tiranë?

-Jo. Gjetëm vende të lira në hotel “Splendi”. Do kalojmë festat…

Ka edhe pishinë…Tha zonja.

-Bravo, -tha Ezmerka.- Nuk punojnë. Janë turistë. Do pushojnë në hotel me pesë yje…180 dollarë nata?!

Nga dalin paratë?!

-Hoteli ka kazino. Kush nuk ka fat në punë, fiton në bixhoz… Futet burri. Luan në rulot…

-Kur është kaq e thjeshtë, pse nuk luan edhe zotrote?!

-Mua fati më ka trokitur në derë, që ditën kur u martova?

Të kujtohet kur më solle si pajë babanë dhe mananë dhe më bëre kollovar në shtëpinë time?

Në botë, nuk ka asnjë rast që kolivarët të fitojnë në kazino?!