Çfarë mendimi keni për Blushin?/ Përgjigjet Koço Kokëdhima

“Blushin nuk e larguan. Blushi iku vetë nga Partia Socialiste, ndërsa mua më larguan me një akt mafioz”, kështu është shprehur ndër të tjera në “360 Gradë” kryetari i partisë ZGJIDHJA, Koço Kokëdhima, nën pretendimin se ky është një ndryshim shumë i rëndësishëm, midis dy liderëve të partive dhe ish-mbështetësit e Ramës.

I gjendur përballë pyetjes së gazetarit “në parlament njeriu që bëri opozitë ishte Ben Blushi. Çfarë mendimi keni ju për Blushin si politikan dhe opozitën që i bëri PS-së kur ishte në PS?” ka thënë se nëse Blushi në thelb do të kishte demokratizimin e PS-së rezultati do të ishte më i mirë.

“Unë në ndryshim me Blushin u përpoqa ta ndryshoja PS. Ndryshe nga Ben Blushi, doja ta reformoja plotësisht atë parti. Puna ime për reformimin e PS nuk ka lidhje me qëndrimin e Blushit në PS. Nëse Blushi në thelb do të kishte demokratizimin e PS-së, ndoshta do kishim patur një rezultat më sinjifikativ”, ka deklaruar Kokëdhima.