Arrestohet në Hanin e Hotit 35-vjeçari turk

Një 35-vjeçar turk i shpallur në kërkim Spanja si anëtar i organizatë kriminale, është ndaluar në pikën kufitare të Hanit të Hotit në Shkodër, ditën e sotme. Bëhet me dije se 35-cvjeçari vidhte banesa në Spanjë.

Për 35-vjeçarin e identifikuar me inicialet K.N.M. gjykata spanjolle ka caktuar masën “Arrest në burg”, për veprën penale “Vjedhja”, kryer në kuadrin e organizatës kriminale.

“Në PKK Hani i Hotit, në dalje, u ndalua shtetasi K. N. (M.), 35 vjeç, sepse pas verifikimeve dhe shkëmbimit të informacioneve ndërmjet strukturave homologe të Interpolit, rezultoi i shpallur në kërkim ndërkombëtar, me masë sigurie “Arrest në burg”, nga autoritetet në Spanjë, për veprën penale “Vjedhja”, kryer në kuadrin e organizatës kriminale. Vijon bashkëpunimi për të finalizuar ekstradimin e këtij shtetasi”,njofton policia.

Po ashtu, një 47-vjeçar turk është arrestuar në flagrancë në PKK Port, Durrës pasi nga kontrolli i dokumentacionit rezultoi se posedonte një leje qëndrimi në Francë, të dyshuar të falsifikuar.

“Në PKK Port, Durrës, u dalje, u arrestua në flagrancë shtetasi turk Y. A., 47 vjeç, pasi nga kontrolli i dokumentacionit rezultoi se posedonte një leje qëndrimi në Francë, të dyshuar të falsifikuar. Dokumenti u sekuestrua në cilësinë e provës materiale”,njofton policia