Edhe babai 69-vjeçarit që vrau gruan me sopatë, kishte mbytur në gropën e gëlqeres gruan

Një ngjarje shokuese tronditi mëngjesin e sotëm vendin, ku 69-vjeçari Huso Islami goditi për vdekje me sëpatë bashkëshorten e tij, Shano Islami. Por fundi ka qenë tragjik edhe për vetë autorin e krimit. Pasi i biri zbuloi vrasjen e së ëmës u konfliktua me 69-vjeçarin dhe e hodhi nga shkallët, për pasojë Huso Islami humbi jetën.

Ngjarja ndodhi në fshatin Shalës të Konispolit, ndërsa famija Islami mësohet se e ka origjinën nga fshati Markat, i të njëjtës Bashki.

Dhe drama në familjen e tyre duket se e ka pikënisjen disa vite më parë. 69-vjeçari Huso Islami njihej si person problematik nga bashkëfshatarët e tij.

Ndërsa babai i tij, i njohur në fshat si Xhevit Cene, mësohet se është autor i tre vrasjeve.

I ati i Huso Islamit mësohet se i ka marrë jetën tre grave të tij. Njërës nga bashkëshortet mësohet se i ka marrë jetën duke e hedhur në gropë të gëlqeres, tjetrën e ka mbytur duke e hedhur në pus, ndërsa të tretën e ka mbytur në lumë.