Shtyhet seanca për Ajola Xoxën

Është shtyrë për ditën e nesërme seanca për heqjen e sekuestrove të pasurive dhe telefonit të Ajola Xoxës.

Shkak ka qenë kërkesa e avokatëve të Ajola Xoxës për më tepër kohë për t’u njohur me provat e paraqitura nga SPAK-u. Pas daljes nga GJKKO, Ajola Xoxa nuk ka thënë asnjë fjalë për mediat.

Kujtojmë që ditën e hënë, në datën 10 mars, Prokuroria e Posaçme paraqiti prova të reja.

Gjykata e Posaçme ka caktuar më 12 shkurt për Ajola Xoxën masën e sigurisë “Detyrim paraqitje”, e akuzuar për korrupsion, pastrim parash dhe fshehje pasurie.

Më herët ndaj Xoxës ishte caktuar masa “Arrest shtëpie”.