Numërohen 98% e votave, ish-futbollisti i famshëm i Milan drejt presidencës së Liberisë

Komisioni Kombëtar i Zgjedhjeve tha se me 98.1% të votave të numëruara, Ëeah i Koalicionit për Ndryshim Demokratik kishte fituar 61.5% të votave. Kundërshtari Joseph Boakai është shumë prapa me 38.5%.

Ai fitoi raundin e parë në tetor me 38.4% të votave, krahasuar me 28.8% të z. Boakai, 73 vjeç. Dështimi i tij për të siguruar një shumicë të drejtpërdrejtë detyroi një balotazh, shkruan BBC.  Weah luajti për një sërë klubesh futbolli, duke përfshirë AC Milan, Chelsea dhe Paris St-Germain, dhe është i vetmi futbollist afrikan që ka fituar si çmimin si lojtari i vitit dhe Topin e Artë në vitin 1995.

Ai hyri në politikë pas daljes në pension në vitin 2002 dhe aktualisht është senator në parlamentin e Liberisë.

Liberia, e themeluar nga skllevërit e liruar amerikanë në shekullin e 19-të, nuk ka pasur një transferim të qetë të pushtetit nga një president i zgjedhur në tjetrin për më shumë se 70 vjet.

Zonja Sirleaf e mposhti z. Ëeah në balotazhin e zgjedhjeve presidenciale në vitin 2005, pas përfundimit të një lufte brutale civile.

Sfidat ligjore vonuan votimin për të zëvendësuar zonjën Sirleaf, dhe pjesëmarrja ishte e ulët. Më shumë se dy milionë njerëz kishin të drejtë të votonin në vendin e 4.6 milion njerëzve.

Zonja Sirleaf mori detyrën në vitin 2006, pasi paraardhësi i saj, Charles Taylor, u detyrua të largohej nga rebelët në vitin 2003, duke i dhënë fund një lufte të gjatë civile.

Taylor po vuan dënimin prej 50 vjet burg në Britani të Madhe për krime lufte lidhur me konfliktin në Sierra Leonen fqinje.