Kryemadhi: Nuk jam si Ilir Meta, iku koha e tryezave dhe kompromiseve tani…

“Nuk jam si Ilir Meta… Iku koha e tryezave dhe kompromiseve”, tha ndër të tjera, kryetarja e Lëvizjes Socialiste për Integrim Monika Kryemadhi, teksa komentoi qëndrimin e presidentit Ilir Meta, pas sulmit me çizme ndaj kryeministrit Edi Rama.

Sipas saj tashmë situata ka ndryshuar, dhe se ka ikur koha e kompromiseve politike, dhe është koha e marrëveshjeve institucionale.

“Nuk jam si Ilir Meta, nuk duhet të bëhem as feministe as maskiliste. Janë mësuar me Ilir Metën duke u ulur në tryeza dhe bërë kompromise, iku koha e tryezave. Tani është koha e marrëveshjeve institucionale. Për shkak të marrëveshjeve dhe fjalës së dhënë, Ilir Meta nuk foli për kanabisin.”, tha ndër të tjera Kryemadhi, ndërsa shtoi se për këtë LSI etiketohet si bashkëfajtore për kanabizimin e vendit.