Dorëheqje në Bashkinë e Durrësit, zbardhen lëvizjet e fundit

Bashkia e Durrësit ka njoftuar se administratorët e 5 njësive administrative kanë dhënë dorëheqjen. Në njoftimin e bërë nga bashkia thuhet se janë zëvendësuar 4 prej tyre dhe priten emërime të tjera.

Kjo lëvizje duket se vjen pas urdhrit gjatë muajve të verës nga kryeministri Edi Rama, për dorëzimin e dorëheqjeve nga ana e nënkryetarëve të bashkive dhe njësive administrative.

Dorëheqjen e kanë dhënë kryeadministratorët e Njësive Katund i Ri, Rashbull, Ishëm dhe Manëz.

“Në përgjigje të interesit të mediave, ju bëjmë me dije se administratorët e njësive administrative të Manzës, Sukthit, Ishmit, Katundit të Ri dhe Rrashbullit kanë dhënë dorëheqjet dhe deri tani janë zëvendësuar 4 prej tyre.

Administratorët e sapoemëruar janë:

Manzë – Rejdi Shehu

Ishëm – Emirjan Bafti

Katund i Ri – Julian Marku

Rrashbull – Fiqiri Dema

Pas vlerësimit të performancës se gjithesecilit, vendimmarrja do të vazhdojë në ditët në vijim”, thuhet në njoftimin e Bashkisë Durrës.