100 qytetet më të mira në botë, Tirana s’duket as ‘me dylbi’

Një raport ndërkombëtar i sapopublikuar ka nxjerrë në pah një fakt që nuk i bën nder Shqipërisë: asnjë qytet shqiptar, përfshirë Tiranën, nuk është përfshirë në listën e 100 qyteteve më të mira në botë për vitin 2025.

Sipas Raportit Vjetor të Qyteteve më të Mira në Botë nga Resonance Consultancy, një ndër renditjet më prestigjioze që analizon performancën urbane globale, Shqipëria nuk figuron askund në listë, ndonëse aty gjenden qytete të njohura për probleme sociale e kriminalitet, si Medellin në Kolumbi apo Qyteti i Meksikos.

Raporti përfshin mbi 270 qytete me më shumë se 1 milion banorë, dhe bazohet në qindra tregues që matin:

• cilësinë e jetës, ajrin, infrastrukturën dhe gjelbërimin,

• ekonominë, kompanitë e mëdha dhe tregun e punës,

• atraktivitetin kulturor, jetën e natës, gastronominë dhe reputacionin online.

Vlerësimi u mbështet edhe në 21 mijë përgjigje anketash nga 30 vende, si dhe në analiza të të dhënave nga platformat sociale më të përdorura në Perëndim dhe Azi, për të përfshirë “mendimin autentik” të qytetarëve.

Londra, për të 11-tin vit me radhë “Qyteti më i mirë në botë”

Në krye të renditjes qëndron Londra, e cila mban vendin e parë për prosperitet, atraktivitet, arsim, kulturë dhe infrastrukturë.
Kryeqyteti britanik po përjeton një ringjallje të fortë pas pandemisë, me 22 miliardë dollarë shpenzime turistike vetëm në vitin 2024, duke lënë pas Nju Jorkun dhe Dubain.

Në vendin e dytë renditet Nju Jorku, ndërsa Parisi, Tokio dhe Madridi plotësojnë pesëshen e parë.

Pesë qytetet më të mira për vitin 2025:

1. Londër, Mbretëria e Bashkuar

2. Nju Jork, SHBA

3. Paris, Francë

4. Tokio, Japoni

5. Madrid, Spanjë

Evropa mban peshën kryesore, Azia ngjitet me shpejtësi

Evropa vijon të dominojë renditjen, por Azia po ngushton hendekun me qytete si Singapori (6), Seuli (13), Pekini (15), Shangai (16) dhe Hong Kongu (19), që po marrin nota të larta për siguri, teknologji dhe cilësi jetese.

Në anën tjetër, SHBA përfaqësohet nga vetëm dy qytete në 20 vendet e para – Nju Jorku dhe Los Anxhelosi (12) – ndërsa qytete të tjera si Miami, San Francisko, Çikago e Boston mbeten në top 100-shen.

As Tirana, as ndonjë qytet tjetër shqiptar nuk hyn në renditje

Raporti nuk përfshin as Tiranën dhe as ndonjë qytet tjetër të Shqipërisë, duke treguar qartë se cilësia e jetesës, infrastruktura dhe perceptimi ndërkombëtar i qendrave urbane shqiptare mbeten ende shumë prapa krahasuar me standardet botërore.
Në listë figurojnë madje edhe qytete me reputacion problematik si Medellin apo Bogota, por jo Tirana.

Lista e plotë e 100 qyteteve më të mira në botë për vitin 2025:

1. Londër, Mbretëria e Bashkuar

2. Nju Jork, SHBA

3. Paris, Francë

4. Tokio, Japoni

5. Madrid, Spanjë

6. Singapor

7. Romë, Itali

8. Dubai, Emiratet e Bashkuara Arabe

9. Berlin, Gjermani

10. Barcelonë, Spanjë

11. Sidnei, Australi

12. Los Anxhelos, SHBA

13. Seul, Koreja e Jugut

14. Amsterdam, Holandë

15. Pekin, Kinë

16. Shangai, Kinë

17. Toronto, Kanada

18. Sao Paulo, Brazil

19. Hong Kong, Kinë

20. Stamboll, Turqi

21. Melbourne, Australi

22. Bangkok, Tajlandë

23. Osaka, Japoni

24. Oslo, Norvegji

25. Stokholm, Suedi

26. Miami, SHBA

27. Vjenë, Austri

28. San Francisko, SHBA

29. Bengaluru, Indi

30. Qyteti i Meksikos, Meksikë

31. Mynih, Gjermani

32. Dublin, Irlandë

33. Kopenhagen, Danimarkë

34. Cyrih, Zvicër

35. Çikago, SHBA

36. Milano, Itali

37. Lisbonë, Portugali

38. Pragë, Republika Çeke

39. Buenos Aires, Argjentinë

40. Mumbai, Indi

41. Vankuver, Kanada

42. Rio de Janeiro, Brazil

43. Varshavë, Poloni

44. Hamburg, Gjermani

45. Shenzhen, Kinë

46. Montreal, Kanada

47. Budapest, Hungari

48. Bruksel, Belgjikë

49. Riad, Arabi Saudite

50. Kuala Lumpur, Malajzi

51. Bogota, Kolumbi

52. Guangzhou, Kinë

53. Xhakarta, Indonezi

54. Delhi, Indi

55. Las Vegas, SHBA

56. Boston, SHBA

57. Uashington, SHBA

58. Hjuston, SHBA

59. Auckland, Zelanda e Re

60. San Jose, SHBA

61. Helsinki, Finlandë

62. Orlando, SHBA

63. Taipei, Tajvan

64. Frankfurt, Gjermani

65. Lima, Peru

66. Atlanta, SHBA

67. Seattle, SHBA

68. Perth, Australi

69. Mançester, Mbretëria e Bashkuar

70. Kejptaun, Afrika e Jugut

71. Krakovë, Poloni

72. Valencia, Spanjë

73. Otavë, Kanada

74. Athinë, Greqi

75. Santiago, Kili

76. Medellin, Kolumbi

77. Këln, Gjermani

78. Dallas, SHBA

79. Brisbane, Australi

80. Hangzhou, Kinë

81. San Diego, SHBA

82. Hyderabad, Indi

83. Çengdu, Kinë

84. Denver, SHBA

85. Kalgari, Kanada

86. Abu Dhabi, Emiratet e Bashkuara Arabe

87. Austin, SHBA

88. Filadelfia, SHBA

89. Baltimore, SHBA

90. Shtutgart, Gjermani

91. Roterdam, Holandë

92. Lion, Francë

93. Ruhr, Gjermani

94. Busan, Koreja e Jugut

95. Dusseldorf, Gjermani

96. Mekë, Arabi Saudite

97. Porto, Portugali

98. Bukuresht, Rumani

99. Birmingham, Mbretëria e Bashkuar

100. Doha, Katar