Të gjitha drejtoritë, nga bashkia te shkollat drejtohen nga  gra

Vlora po rezulton të jetë qyteti i vetëm në Shqipëri ku administrata publike është thuajse 100% e drejtuar nga gra. Nga bashkia, te prefektura, shëndetësia, arsimi, kulturë–sporti, agjencitë rajonale dhe deri te çdo shkollë e kopsht, qyteti bregdetar duket sikur drejtohet ekskluzivisht nga një “superfuqi femërore”. I vetmi burrë ishte emëruar nga Rama 4 muaj më parë, Genc Deromemaj dha dorëheqjen nga drejtimi i Kadastrës së Vlorës.

Lista është e gjatë shumë e gjatë dhe përfundimi është i thjeshtë: Vlora nuk paska më burra në drejtim!

Pozicionet më të larta: të gjitha gra

• Kryetarja e Bashkisë – Grua
• Prefektja e Qarkut – Grua
• Nënkryetarët e Bashkisë – dy gra
• Kryetarja e Këshillit Bashkiak – Grua
• Rektorja e Universitetit – Grua

Shëndetësi – gra në çdo nivel

• Drejtore e Spitalit Rajonal
• Drejtore e Spitalit Psikiatrik
• Drejtore e Shëndetit Publik për Jugun
• Drejtore e Sigurimeve Shoqërore

Administratë & Agjenci – vetëm gra

• Drejtore e Zyrës së Punës
• Drejtore e Inspektoratit të Punës
• Drejtore e Bregdetit
• Drejtore e Bujqësisë
• Drejtore e Infrastrukturës
• Drejtore e Gjelbërimit
• Drejtore e Turizmit
• Drejtore e Auditit
• Drejtore e Protokollit
• Drejtore e Arkivit
• Drejtore e Konvikteve

Kultura, sporti, ndërmarrjet – sërish gra

• Drejtoresha e Pallatit të Kulturës
• Drejtoresha e Qendrës Kulturore të Fëmijëve
• Drejtoresha e Pallatit Shumësportësh “Flamurtari”
• Drejtoresha e “Vlora Parking”

Shkollat: çdo drejtore, pa përjashtim – grua

Nga “Jani Minga”, “24 Maj”, “Marigo Posio”, “Ismail Qemali”, “Lef Sallata”, “Rilindja”, “Halim Xhelo”, “28 Nëntori”, “15 Tetori”, “PLM” – të gjitha drejtohen nga gra.

Edhe qendrat PAK, kopshtet dhe çerdhet janë të gjitha të drejtuara nga gra.

A është kjo kohezion, meritokraci apo kapje politike?

Fakti që asnjë burrë nuk gjendet në krye të institucioneve kryesore të Vlorës hap disa pyetje të mëdha:

• A kemi të bëjmë me meritokraci reale?
• Apo me një model të centralizuar ku pushteti lokal kontrollohet përmes një rrethi të vetëm preferencial?
• Si shpjegohet që në një qytet të madh, me mijëra profesionistë, asnjë mashkull nuk “kualifikohet” për drejtim?

Në pamje të parë, duket si sukses i grave në administratë  por në thelb ngre dyshime të forta për një ekuilibër të prishur institucional dhe një model emërimesh që i ngjan më shumë lojës së preferencave politike, sesa një sistemi të shëndetshëm zgjedhjesh profesionale.