Babai i 3 fëmijëve shpërthen ndaj ish-gruas, trondit me të pathënat

“Më tradhtoi në sy të fëmijëve, i dashuri i saj më rrahu djalin”

Nëna e fëmijëve e cila lidhet me rastin tronditës të tre fëmijëve të mitur, të cilët u gjetën të mbyllur në banesën e tyre në qytetin e Durrësit, të vetëm dhe të uritur, ka rrëfyer në studion e emisionit detaje nga jeta e saj personale, duke deklaruar se ka pasur një çështje gjyqësore të hapur në Shqipëri, për shkak të një martese për letra, e kryer sipas saj në këmbim të përfitimit financiar për fëmijën e saj, i cili vuan nga epilepsia.

Ajo u denoncua publikisht nga ish-vjehrra, me të cilën pati edhe një përballje live në studio. Gjatë kësaj përballjeje, nëna e kundërshtoi ashpër ish-vjehrrën, duke e akuzuar se e gjithë situata ishte e inskenuar prej saj.

Nga ana tjetër, ish-vjehrra deklaroi se gjatë kohës që fëmijët kanë qëndruar dhe janë mbajtur në ambientet e saj, ata nuk kanë qenë kurrë në një gjendje të tillë. Ndërkohë, nëna e tre fëmijëve u shpreh qartë se nuk do të hiqte dorë nga fëmijët e saj.

Ditën e sotme, për herë të parë, ka folur edhe babai i tre fëmijëve në emisionin “Me Zemër të Hapur”. Në një bisedë të gjatë me drejtuesen e emisionit, ai ka rrëfyer detaje nga jeta bashkëshortore, duke pretenduar se divorci ka ardhur si pasojë e tradhtisë nga ana e ish-bashkëshortes.

Sipas tij, ish-bashkëshortja ka kryer veprime të turpshme me meshkuj të tjerë, madje edhe në prani të fëmijëve, duke shtuar se disponon video që, sipas tij, e provojnë këtë.

Në deklaratat e tij, babai është shprehur:

“Mund të pi një shishe birrë apo të vë ndonjë skedinë, por as nuk jam i alkoolizuar dhe as nuk luaj kumar apo të shes shtëpinë.

Unë atë e kam kapur me dy persona. Si mund ta lërë një baba nënën e tre fëmijëve të tij. E kanë parë edhe fëmijët kur ka kryer marrëdhënie, le të flasin edhe fëmijët, kam edhe video. Ajo thoshte se ka urdhër mbrojtjeje. Denoncimi është bërë sepse ish-i dashuri i saj i ka gjuajtur djalit dhe unë kam kërkuar ta rrihja. Ajo më denoncoi në polici. Unë po kërkoja ish-të dashurin, e kërkoj akoma dhe nëse e gjej e di unë se çfarë do t’i bëj. I kam me video, më ka rrahur djalin e vogël”.

Rrëfimi i babait ka shtuar edhe më shumë tensionin rreth kësaj historie, e cila vijon të ngjallë reagime të forta dhe debat të gjerë në opinionin publik.