Rexhep Ismaili u vra gabimisht, zbulohet kush ishte objektivi

Një mbrëmje e përgjakshme ka tronditur Sarandën, ku një sherr për motive pronësie ka përfunduar me vrasjen e një personi të pafajshëm. Rreth orës 21:28, në kryqëzimin Sarandë-Himarë, mbeti i vrarë me armë zjarri 66-vjeçari Rexhep Ismaili, pronar i një pike karburanti. Por, sipas hetimeve, ai nuk ishte objektivi i vërtetë i sulmit.

Grupi i 6 të rinjve dhe “Molla e sherrit”
Burime policore bëjnë me dije se një grup prej rreth 6 të rinjsh kanë mrrritur në ambientet e lokalit në kërkim të Tori Rucit (alias Viktor Ruci). Ky i fundit, një person me precedentë penalë dhe i përfshirë në trafik droge, kishte një konflikt të hapur për pronësinë e një lokali në bregdet me një prej të rinjve. Grupi kishte informacion se Ruci ndodhej te karburanti i Ismailit dhe kishin shkuar për t’u përballur fizikisht me të.

Akti i guximit që përfundoi në vdekje
Tragjedia ka ndodhur kur Rexhep Ismaili ka ndërhyrë si ndërmjetës. Duke ndjekur kodin e besës, ai u ka dalë përpara të rinjve duke deklaruar se personi që kërkonin ishte “në shtëpinë e tij” dhe nuk mund të prekej. Debati verbal degjodoi me shpejtësi në dhunë fizike dhe më pas në përdorimin e armës, ku 66-vjeçari humbi jetën në vend, i goditur nga plumbat që synonin mikun e tij.

Hetimet dhe mjetet e braktisura
Autorët janë larguar me shpejtësi, por në nxitim e sipër kanë braktisur një prej automjeteve pranë vendit të ngjarjes. Ky mjet është tani prova kryesore në duart e policisë për identifikimin e grupit të vrasësve. Ndërkohë, forca të shumta policie kanë rrethuar zonën dhe po punojnë për kapjen e autorëve të këtij krimi që i mori jetën një njeriu që thjesht tentoi të shmangte një konflikt.