Merr flakë makina në mes të Tiranës (VIDEO)

Një automjet është përfshirë nga flakët paraditen e kësaj të marte në Tiranë, duke shkaktuar alarm mes kalimtarëve dhe drejtuesve të mjeteve në zonë.

Ngjarja ka ndodhur në rrugën e Elbasanit, një nga akset më të frekuentuara të kryeqytetit, ku makina është përfshirë plotësisht nga zjarri.

Nga pamjet e siguruara në vendngjarje, automjeti shihet pothuajse i shkrumbuar, ndërsa flakët kanë qenë intensive.

Ende nuk ka një informacion zyrtar mbi shkaqet e zjarrit, ndërsa nuk dihet nëse bëhet fjalë për defekt teknik apo ndonjë faktor tjetër.

Fatmirësisht, deri në këto momente nuk raportohen persona të lënduar.

Forcat zjarrfikëse kanë ndërhyrë për neutralizimin e flakëve, ndërsa pritet një hetim më i detajuar për të zbardhur rrethanat e plota të incidentit.