Aksioni i SPAK, arrest me burg edhe për disa efektivë policie

Aksioni i befasishëm i SPAK, i zhvilluar gjatë orëve të para të mëngjesit të sotëm, ka çuar në caktimin e masave të sigurisë “arrest me burg” ndaj disa efektivëve të Policisë.

Sipas informacioneve të bëra me dije për këtë operacion, masat e sigurisë ndaj punonjësve të policisë janë ekzekutuar, ndërsa ata janë vënë në pranga në zbatim të vendimeve të gjykatës.

Zhvillimi është pjesë e një hetimi të Prokurorisë së Posaçme, e cila ka ndërmarrë një aksion të njëkohshëm gjatë mëngjesit. Për momentin, detajet mbi identitetin e efektivëve të arrestuar dhe veprat penale për të cilat ata po hetohen nuk janë bërë të gjitha publike.

Hetimet pritet të hedhin më shumë dritë mbi rolin e personave të përfshirë dhe rrethanat që kanë çuar në caktimin e masave të sigurisë.