Vasili: “Drejtësia e re si palmat e thara, Rama flet si daulle e çarë…”

Duke akuzuar kryeministrin për një drejtësi të kapur, Petrit Vasili shkruan me ironi edhe për prokuroren e re të përgjithshme.

Postimi

“Drejtësia “e re”, që është tharë si palmat në autostradë. Qindra milionë lekë para’ të shqiptarëve u asgjesuan dhe u kthyen në palma të thara në autostradën Tiranë -Durrës.
Kryeministri bubullon e flet si daulle e carë për gjithë dynjanë po për fajtorët e këtyre palmave s’guxon të flasë.
Kryeministri i lemerisur nga frika nuk flet për ata, që i grabiten këto qindra milionë leke, se ka frikë për vete.
Mijëra e mijëra shqiptare kalojnë në autostradë përditë përpara krimit shtetëror të kryeministrit.
Prokuroria e kapur nga kryeministri le të kalojë edhe ajo me makinë përpara palmave të thara, le të rrijë me duar të lidhura e le të rrijë edhe me gojë të mbyllur. Ndaj mjaft më,me denglat e drejtësisë së “re” që është tharë si palmat në autostradë.