Vokshi: Nuk bëhet seanca nëse nuk vjen Nikolla. Kaq vjet s’keni mësuar rregulloren

Ka nisur me tension mbledhja në Komisionin e Edukimit ku e pranishme duhet të ishte ministrja e Arsimit, Lindita Nikolla pasi ishte thirrur në interpelancë për të raportuar për ligjin e arsimit të lartë.

Por ministrja e arsimit nuk është paraqitur në komision ndërsa mosprezencën e saj Vokshi e quajti si frikë për tu përballur pasi është e papërgjegjshme. Më tej Vokshi shton se mungesa e akteve nënligjore, solii edhe vonesën e pagave ndaj pedagogëve.

Me tone të ashpra ajo iu drejtua kolegëve të maxhoranncës se Nikolla ka shkelur ligjin me mosprezencën e saj dhe ata që e bëjnë diçka të tillë shkojnë para drejtësisë.

“Kaq vjet dhe s’e ke mësuar as rregulloren, do presim ministren, ndryshe seanca nuk bëhet”, iu drejtua ajo njërit prej kolegëve të maxhorancës.

“ Neve si komision kemi kërkuar ministren, nëse flasim për rregullore ministrja është shkelur dhe ato që shkelin ligjin përfundojnë para drejtësisë”, tha ajo.