Shkeljet/ Anulohen lejet për ndërtimin e 2 HEC-eve mbi Osum

Ministria e Mjedisit anulon lejen mjedisore për ndërtimin e dy HEC-eve në lumin e Osumit, duke shpallur të pavlefshme vendimin e mëparshëm të Agjencisë së Mjedisit që lejonte ndërtimin e dy HEC-eve Bigas 1 dhe Bigas 2.

Vendimi erdhi pas konstatimit të shkeljeve që kishin të bënin me kalimin e afatit të lejes së ndërtimit, mungesën e vlerësimit mjedisor, prekjen dhe cenimin e fondit pyjor si dhe shkelje të tjera lidhur me Vendimin e Ndërmjetëm Mjedisor (V.M.N.).Disa ditë më parë edhe ministri i Mjedisit, Blendi Klosi dhe më pas edhe kryeministri Rama deklaruan se nuk do të lejonin ndërtimin e Hidrocentraleve në kanionet e Osumit.

Agjencia Kombëtare e Mjedisit ka shpallur akt të pavlefshëm Vendimin e “Vlerësimit të ndikimit në mjedis”, që njihet ndryshe edhe si leje mjedisore për ndërtimin e dy hidrocentraleve në Skrapar.

Shkeljet

– Lekja është dhënë në vitin 2015 dhe mosfillimi i aktivitetit brenda një periudhe kohore prej dy vjetësh sjell pavlefshmërinë e vendimit për ushtrimin e këtij aktiviteti.

– Nuk ka “Vlerësimin të Ndikimit Mjedisor”

– Prek dhe cenon fondin pyjor.

Më shumë nga Lajme

Zëri yt bëhet lajm.