Mbyllen 80 biznese në Gjirokastër, TVSH rrezikon falimentin për dhjetëra të tjerë

80 biznese të vogla kanë mbyllur aktivitetin e tyre në 6 muajt e fundit, ndërsa të tjerë thonë se rrezikojnë të shkojnë drejt falimentit, pas hyrjes në skemën e TVSH-së.

Kryetari i Dhomës Tregtisë e Industrisë në Gjirokastër, Maksim Hoxha flet për dy anë të medaljes.

Hoxha: Besoj që të jetë negative. Shpresoj që qeveria ta ketë si një provë.

Ai e vlerëson pozitive mbylljen e qarkut të TVSH, kërkesë kjo e biznesit të madh, por me efekte negative tek biznesi i vogël.

‘Mbyllja e qarkut të TVSh-së ka qenë problematike për bizneset e mëdha. Nga ana tjetër, bizneset e vogla mund të ketë biznese që mezi mbahen në këmbë, por mund të ketë biznese që tejkalojnë këtë prag”, thote ai.

Gjirokastra numëron rreth 1 mijë biznese të vogla, të cilat prej 1 prillit janë bërë pjesë e skemës së TVSH-së që përfshin të gjtiha subjektet me xhiro mbi 2 milion lek.

Vendimi është ka ngjallur protesta nga biznesi, por qeveria e ka bërë të qartë se nuk do të tërhiqet, POR në 6 muaj e parë nuk do të gjobitet dhe do të mbështetet për të shmangur parregullsitë /OraNews