Ndarja e Kosovës dhe dilema nëse mjalti që të ofron hasmi është i ëmbël

Vazhdojnë qëndrime shqiptare të coroditura mbi Kosovën dhe rrezikun e ndarjes së saj.

Dikush ka hallin e Ballkanit,dikush ka hallin e Evropës,dikush ka hallin e pushtetit,dikush ka hallin e patriotizmit,dikush nuk ka asnjë nga këto përvcse dëshirë për të thënë dicka në zë të shokëve…

Armiqtë e kësaj situate janë të shumtë.

Armike është mungesa e komunikimit mes faktorit shqiptar në Ballkan.

Armik i kësaj situate është hermetizmi konspirativ (tipike e sjelljes së kësaj kohe të presidentit të Kosoves).

Armik i kësaj situate janë slloganet internacionaliste pa përmbajtje(tipike të pjeses politike konformiste Shqipëri e Kosove).

Armike e kësaj situate eshte bindja kokëfortë dhe naive se marredheniet diplomatike janë ndryshe nga ato njerezore,që per të qëndruar të forta duhen ushqyer cdo ditë.

Armike e kësaj sitiate është dilema apo paqartësia strategjike në aleanca…iluzioni se mjalti që të ofron hasmi mund të jetë i ëmbël.

Armik i kesaj situate është dalldia e histeria kolektive…që mbyt e vret mendjet e kthjellta.

…

Aleatet në këtë situatë janë qartësia strategjike në aleanca,mendjekthjelltësia në vendime dhe analiza,…dhe mbi të gjitha komunikimi i hapur mes vetit dhe detyrimi për të përcaktuar qëndrime e sjellje të unifikuara.

Një shekull më parë shqiptaret paten të njëjtët armiq e aleatë. Një shekull më parë iu dorëzuam armiqve dhe u copëtuam.

Një shekull më pas nuk kemi lluksin dhe as na falet të bëjmë të njëjtat gabime.

Thënë troc. Eshtë jetik Uniteti MbarëKombëtar për Kosovën dhe Kufijtë e saj.

Cdo sjellje tjetër është ose idiotësi historike ose tradhëti kombëtare.