A dështoi kryebashkiaku i Rotterdamit në vizitën e tij në Tiranë?

Kryebashkiaku i Rotterdamit Ahmed Aboutaleb i shoqëruar nga oficerë policie, marine (kolonel dhe gjeneral) nga gjykatës e prokurorë vizitoi Shqipëirnë dhe pati një sërë takimesh me politkanë shqiptarë duke filluar nga Lali Eri i Tiranës te Dakua i Durrësit, nga kryeministri Edvin te ministri i brendshëm Xhafaj.

Problematika e këtyre takimeve ishte: azilkërkuesit shqiptarë, klandestinët shqiptarë, që mësyjnë brigjet angleze nga portet holandeze dhe krimi i organizuar shqiptar në Holandë. Mediat holandeze si: “Powned.TV”, “ASD.NL”, “ZHZ Actuel” etj, theksojnë se “Misioni Aboutaleb” në Tiranë ka dështuar.

Kriminelët shqiptarë vazhdojën ta përdorin Holandën vecanërisht portet e Amsterdamit dhe Roterdamit si baza të tyre operative. Shqiptarët ende vazhdojnë të kërkojnë azil në Holandë, ndërsa njëkohësisht u mësyjnë brigjeve angleze nga portet holandeze.

Rasti më i fundit ishte kapja e 5 shqiptarëve klandestinë në Portin Hoek, ndërsa po mundoheshin të fshiheshin në karroceritë e kamionëve, që po imbarkoheshin në një traget të Kompanisë “Stena Line” me destinacion Portin e Portsmuthit në Angli. Vetëm në 6 mujorin e parë të 2017-ës, vetëm në Portin Hoek u kapën rreth 400 shqiptarë, që po mundoheshin të shkonin ilegalisht në Angli.