A do largohen nga Shqipëria pas sulmit me armë? Flet bashkëshorti i gazetares Klodiana Lala
Nuk kemi ndërmend që të largohemi nga Shqipëria”. Kështu eshte shprehur kete te premte, bashkeshorti i gazetares Klodiana Lala, banesa e prinderve te te ciles u sulmua me bresheri kallashnikovi ne oret e para te se enjtes, nga persona ende te paidentifikuar.
Sot, gazetarja ka dhënë dëshminë para grupit hetimor në prokurorinë e Tiranës që po heton dosjen. Jashtë ambienteve të prokurorisë së Tiranës në një komunikim me gazetarin e Report Tv, Arsen Rusta, bashkëshorti i gazetares Ylber Lleshi, që jeton në Britaninë e Madhe shprehet se nuk ka ndërmend që të largohen pas ngjarjes.
Ylber Lleshi jeton prej vitesh në Britaninë e Madhe, ndërsa bashkëshortja, gazetarja Lala së bashku me dy vajzat jetojnë në Tiranë. Ngjarja e pazakontë ndodhi mëngjesin e djeshëm në fshatin Domje të Tiranës, aty ku prej vitesh jeton familja e gazetares së kronikës së zezë, Klodiana Lala.
Keni një histori? Denonco anonimisht, identiteti juaj mbrohet.
Denonco
