A ka gisht Mirela Kumbaro në tenderin 5 milionë euro të Bashkisë Memaliaj?

SPAK ka dërguar për gjykim ish-kryebashkiakun e Memaliajt, Gjolek Guci, për tenderin 5 milionë euro të ujësjellësit rajonal, të dhënë pa garë dhe me ofertë vetëm 12 euro më pak se fondi limit.

Tenderi për ndërtimin e ujësjellësit në disa fshatra të Memaliajt iu dha bashkimit të kompanive “KEG” sh.p.k dhe “ED Konstruksion” sh.p.k, ndërsa punimet sot rezultojnë të realizuara më pak se 20%, edhe pse projekti duhej të përfundonte në prill 2023.

Në dosjen hetimore përmendet edhe emri i ministres Mirela Kumbaro, për ndërhyrje të dyshuara në akordimin e fondit, lejen mjedisore dhe nënkontraktimin e punimeve.

Sipas kallëzimit të KLSH dhe Procedimit Penal nr. 216 të SPAK, hetimet flasin për shkelje të barazisë në tendera dhe paracaktim të fituesit.

Por emri i Kumbaros nuk figuron në akuzë.

A është kjo faza e parë e hetimit, apo kemi selektivitet në trajtimin e përgjegjësive?

Publiku pret përgjigje konkrete.