A ka PD dokumente të tjera kundër qeverisë?/ Përgjigjet Basha

Lideri i Partisë Demokratike, njëherësh kreu i “Frontit opozitar”, Lulzim Basha, i ftuar në studion e emisionit “Opinion”, ka folur në lidhje me dokumentet që ka Partia Demokratike, që mund të inkriminojnë qeverinë.

Sipas Lulzim Bashës, Partia demokratike i ka publikuar dokumentet që ka pasur, dhe do të publikojë gjithçka tjetër që do të ketë.

“Çfarë kemi pasur e kemi publikuar dhe do të publikojmë nëse do të kemi dokumente të tjera”, – tha Basha në “Opinion”, ndërsa shtoi se krimi po dërrmon ekonominë e vendit.

Sipas Bashës, arsyeja se përse Rama kapi Prokurorinë, është nga dokumentet dhe denoncimet e publikuara nga opozita, që e inkriminuan atë.