“A ka vlerë jeta jonë zoti Kryeministër?”

Në këtë video që mund të shihni më poshtë, një vajzë, studentë e banore në konvikt, ndan shqetësimin për konviktin ku jetojnë djemtë, që sipas saj, mbulohet nga një shtresë asbesti, e cila u rrezikon seriozisht jetën, duke pasur parasysh vërtetimin tashmë se ky material shkakton kancer.

Ja deklarata e saj

Jemi studentë të universitetit “Ismail Qemali” në Vlorë. Këtu para disa ditësh kryeministri inauguroi fasadën e objektit, që është konvikti i gocave.

Ndërkohë që në anën tjetër është konvikti i djemve. Ai është i mbuluar nga një shtresë asbesti, jetojnë dhjetëra studentë që u rrezikohet jeta nga një material i rrezikshëm sic është asbesti që prej 40 vitesh është vërtetuar që shkakton kancer.

Shtrohet pyetja zoti kryeministër, a ka vlerë jeta jonë, apo është më e rëndësishme propaganda e fasadave?