A po e vonon Meta dekretimin e kreut të SHISH? A janë SHBA të shqetësuar nga sherbimet ruse në Shqipëri?!

Kryetari i Shërbimit Informativ Shtetëror, është  prej muajsh i komanduar dhe ky   ndoshta  është një  precedent i keq për një vend të vogël si Shqipëria. Rëndësia që ka në kohën ku jetojmë  ky post i lartë i lënë  vakant ndoshta  nuk shihet me sy të mirë nga aleati ynë SHBA.

Me pak se i një vit nga propozimi i kryeministrit Edi Rama për emrin e Helidon Bendos si kryetari i ri i SHISH pas dorëheqjes së Visho Ajazi Likës, ende Presidenti Ilir Meta nuk e ka   vënë firmën e tij mbi këtë dekret.

Kreu i shtetit Meta është justifikuar   me faktin se nuk ka ngutje për këtë punë, pasi i propozuari i Ramës për kreun e SHISH, është njëherësh dhe nënkryetar i shërbimit sekret dhe nuk e lë punën mangut.

Edhe kryeministri Edi Rama, duket se është i qetë pasi ka njeriun e besuar që kontrollon Sherbimin Informativ, Helidon Bendon.

Por nëse Meta e mban stilolapsin në syrtar për dekretin dhe Rama nuk e ka ndjerë nevojën e dekretimit të kreut të ri të SHISH, se është komod me Bendon,  amerikanët janë të shqetësuar dhe  nuk e konceptojnë por as nuk e kuptojnë hezitimin e presidentit Meta qoftë për miratim qoftë për rrëzim.

Burime diplomatike  bëjnë me dije se SHBA i ka kërkuar me  Presidentit Ilir Meta që të drekretojë kreun e ri të shërbimit sekret shqiptar.

Situata ne ballkan dhe Europen Lindore  dhe “ekspasioni” rus në Ballkan  dhe Shqipëri, e bëjnë të domosdoshme  që SHISH-i të ketë një autoritet me fuqi të plotë në krye të tij.

SHBA është tepër e shqetësuar për futjen e shërbimit sekret rus në Shqipëri, ndoshta  dhe  emërimi i  ambasadores Kovalec në Tiranë, një njohëse e shkëlqyer e politikës dhe strategjisë ruse për Ballkanin flet per seriozitetin e ndikimit të sherbimeve ruse në Tiranë.

Ndërkohë që Ilir Meta, heziton ti japë Ramës edhe pjesën e mbetur të pushtetin pa u siguruar mirë ngaqë    është më delikati sepse ka informacionin kombëtar. Presidenti Meta ndoshta ka  frikë se Rama i kontrollon tashmë të githa pushtetet  pse jo është në  kërkim të ndonjë pazari me Ramën, dhe firma ne shkresën  mbi tavolinë  që nga  tetori i  2017 për dekretimin e Helidon Bendos si kreu i ri i SHISH nuk mund të hidhet kaq lehtë…