Aksident fatal në Dibër, makina përplas për vdekje kalimtarin, në gjendje të rëndë edhe shoferi

Mësohet se një automjet me drejtues një 73-vjeçar ka përplasur për vdekje një kalimtar.

Viktima është identifikuar si Bajram Muça, 70 vjeç.

Ai menjëherë pas aksidentit është dërguar në spitalin e Burrelit, por nuk ka mundur të mbijetojë për shkak të plagëve të shumta në trup.

Ndërkaq, ka mbetur i plagosur edhe shoferi i automjetit, i cili ndodhet në gjendje të rëndë.

Sakaq, policia ka mbërritur në vendngjarje dhe po punon për zbardhjen e rrethanave te aksidentit.