Aksident i rëndë, makina përplas për vdekje drejtuesin e motorit. Policia jep detajet

Policia në informacionin paraprak për ngjarjen bën me dije se aksidenti ndodhi në aksin rrugor Milot- Tiranë tek “Mbikalimi i Patokut”.

“Automjeti tip “Audi” me drejtues shtetasin E.H., është përplasur me një çiklomotor me drejtues shtetasin Gj.N., i cili si pasojë e përplasjes ka ndërruar jetë”- njofton policia.

Informacioni paraprak 

Rreth orës 11:50 , në aksin rrugor Milot- Tiranë tek “Mbikalimi i Patokut”, automjeti tip “Audi” me drejtues shtetasin E.H., është përplasur me një çiklomotor me drejtues shtetasin Gj.N., i cili si pasojë e përplasjes ka ndërruar jetë.

Grupi hetimor ndodhet në vendngjarje dhe po vijon punën për sqarimin e rrethanave te aksidentit.