Aksident i rëndë në Koplik, 4 të plagosur, njëri në gjendje të rëndë

SHKODËR – Një aksident i rëndë është regjistruar mëngjesin e sotëm, në Koplik, ku raportohet se kanë mbetur të plagosur 4 persona.

Aksidenti është regjistruar në aksin Shkodër-Hani i Hotit, pranë rrethrrotullimit të Koplikut, u përplasën dy makina. Si pasojë katër persona kanë mbetur të plagosur, njëri prej të cilëve në gjendje të rendë.

Nga pamjet duket se makinat janë deformuar së tepërmi. Në vendngjarje shihet edhe prani e forcave zjarrfikëse, që kanë ndihmuar në nxjerrjen e të plagosurve nga mjetet.