Aksident i rëndë në Llogara/ Plagosen 3 persona, ambulanca e prishur

Përditësuar më 14 June 2021, 00:08

Një aksident i rëndë është regjistruar mbrëmjen e sotme në Llogara. Burime për mediat bëjnë me dije se një makinë ka dalë nga rruga dhe për pasojë janë plagosur 3 persona. Raportohet se ambulanca e Orikumit është e prishur dhe nuk dihet se si do vejë fati i të plagosurve.

Më vonë të plagosurit janë dërguar në spital, ndërsa dy prej tyre janë në gjendje të rëndë shëndetësore.

Paraprakisht dyshohet se shkak i aksidentit ka qenë mjegulla në rrugë.

Policia dhe grupi hetimor kanë shkuar në vendin e ngjarjes dhe po punojnë për zbardhjen e rrethanave të aksidentit.