AKSIDENT I RËNDË NË SHKODËR, VDESIN 2 GRA, 4 TË TJERË TË PLAGOSUR (EMRAT)

Mësohet se viktimat janë dy gra rreth moshës 40-45 vjeç, identiteti i së cilave nuk bëhet i ditur ende. Ndërkohë raportohet se mjeti tip Mitshubish ka goditur në pjesën e pasme automjetin tip Audi, ku dhe po udhëtonin dy viktimat. Dyshohet se shkak është bërë shpejtësia  e madhe e automjetit tip Mitsubishi.

Të plagosur kanë mbetur Lutfi Kabaçi, 55 vjeç; Emanuel Përjaku, 23 vjeç; Jak Përjaku, 28 vjeç; Beta Mata, 32 vjeç; Pjetër Zefi, 66 vjeç dhe ndodhen jashtë rrezikut për jetën.

Policia ndodhet në vendgjarje dhe po punon për zbardhjen e plotë të aksidentit.

Njoftimi i Policisë: 

Shkodër/ Informacion Paraprak

Më datë 10.04.2019 ora 14.35, në aksin rrugor Shkodër – Lezhë, ne vendin e quajtur Krye Bushat, janë perplasur mjeti tip Nissan me mjetin tip Audi, si pasojë kanë mbetur të dëmtuar shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët u dërguan në Spitalin Rajonal Shkodër

Gjithashtu si pasojë e aksidentit kanë gjetur vdekjen edhe dy shtetase të cilat akoma nuk dihet identiteti i tyre dhe janë dërguar në Morgun e Spitalit Rajonal Shkodër.

Veprimet po kryhen me grup hetimor për sqarimin e rrethanave të aksidentit.