Aksident në aksin Tiranë-Durrës/ Përplasen tre automjete

Një aksident raportohet të ketë ndodhur mesditën e sotme në aksin Tiranë-Durrës, ku janë përplasur me njëra-tjetrën tre automjete.

Për pasojë është dëmtuar shtetasja E. B., 68 vjeçe, pasagjere në njërin prej makinave. 

NJOFTIMI 

Më datë 03.09.2021, rreth orës 12:45, në autostradën Tiranë-Durrës, janë përplasur 3 mjete me drejtues S. E., M., B., dhe Th. G. Si pasojë është dëmtuar shtetasja E. B., 68 vjeçe, pasagjere në mjetin me drejtuese M. B, e cila ndodhet në spital, jashtë rrezikut për jetën.

Grupi hetimor ndodhet në vendngjarje dhe po kryen veprimet përkatëse për përcaktimin e rrethanave të aksidentit.