AKSIDENT NË KORÇË, MAKINA PËRPLAS NJË BURRË ME BIÇIKLETË

Një automjet ka përplasur një të moshuar i cili ishte duke ecur me biçikletë.

Personi me inicialet E.J, duke drejtuar mjetin tip “Hyndai”, ka aksidentuar A.A, 72 vjeç, banues në Korçë, i cili është dërguar në Spital për trajtim mjekësor.

Mësohet se i moshuari ka marrë dëmtime të mëdha në kokë si pasojë e përplasjes nga makina.

Ai është transportuar për në spital nga vetë drejtuesi i makinës, i cili e mori në automjet duke shpejtuar që 72-vjeçari të marrë ndihmën e parë.

Tashmë drejtuesi i automjetit, ndodhet i shoqëruar në Komisariat, ndërsa policia ka nisur hetimet për zbardhjen e shkaqeve të aksidentit.