Aksident në Liqenin e Komanit, përplasen dy mjete lundruese

Një aksident është regjistruar mesditën e sotme në Liqenin e Komanit, ku dy mjete lundruese dyshohet se janë përplasur me njëri-tjetrin.

Ngjarja ka ndodhur rreth orës 15:15. Si pasojë e përplasjes, 5 persona kanë mbetur të dëmtuar, por sipas Policisë ndodhen jashtë rrezikut për jetën.

Fillimisht u raportua për tetë persona të plagosur, por njoftimi zyrtar i Policisë konfirmon se të dëmtuar janë pesë shtetas. Personat e tjerë që ndodheshin në dy mjetet lundruese nuk kanë pësuar dëmtime.

Pas aksidentit, të gjithë personat që ndodheshin në dy mjetet lundruese janë nxjerrë në kalatën e Komanit, me ndihmën e mjeteve të tjera lundruese që kanë ndërhyrë pas incidentit.

Ndërkohë, grupi hetimor ndodhet në vendngjarje dhe po kryen veprimet për të përcaktuar shkaqet dhe rrethanat e plota të aksidentit.

Njoftimi i Policisë:

“Rreth orës 15:15, në liqenin e Komanit, dyshohet se aksidentalisht janë përplasur 2 mjete lundruese.

Si pasojë e përplasjes, janë dëmtuar 5 shtetas, të cilët ndodhen jashtë rrezikut për jetën, ndërsa shtetasit e tjerë që ndodheshin në mjetet lundruese nuk kanë pësuar dëmtime.

Shtetasit që ndodheshin në mjetet lundruese janë nxjerrë në kalatën e Komanit, me ndihmën e mjeteve të tjera lundruese.

Grupi hetimor po kryen veprimet për sqarimin e plotë të rrethanave të ngjarjes.”