Aksident në Surrel, makina bie në greminë, dy në gjendje të rëndë

Një aksident i rëndë ka ndodhur pasditen e sotme në kryeqytet pasi një automjet ka dalë nga rruga dhe ka rënë në greminë. Ngjarja ka ndodhur në rrugën e Dajtit, në fshatin Surrel.

Pas sinjalizimit nga qytetarët, policia, zjarrfikësja dhe ambulanca kanë shkuar në vendin e ngjarjes. Tre burrat e plagosur nga aksdienti po transportohen ne Spitalin e Traumes.

Informacioni paraprak i policisë:

Më datë 07.10.2018, rreth orës 18:30, në rrugën e “Dajtit”, në fshatin Surrel, një mjet ka dal nga rruga dhe ka rënë në greminë. Brenda në mjet dyshohet të jenë tre persona. Në vendngjarjejanë dërguar shërbimet e Policisë, Zjarrfikëses dhe Ambulanca. Në mjet ndodhen tre persona të gjinisë mashkullore, ku dy prej tyre ndodhen në gjendje të rëndë shëndetësore, ndërsa tjetri në gjendje më të mirë.