Aksidenti/ 26 vjeçari humbet jetën në Fier

Aksident me vdekje ka ndodhur në Fier pasditen e sotme, ku një i ri ka humbur jetën.

Sipas informacioneve policore, rreth orës 18:00, në fshatin Baltëz, J.I., 26 vjeç, banues në Fier, duke drejtuar mjetin tip “Benz” ka humbur kontrollin dhe ka goditur betonin e mbikalimit të autostradës.

Impakti ka qenë fatal për të riun i cili ka gjetur vdekjen e menjëhershme.

Grupi hetimor po punon për zbardhjen e shkakut të kësaj ngjarje.