Aksidentohet rëndë një shofer shqiptar në Austri

Redaksia Publik 26 mars 2018, 09:10 · 1 min lexim

Shoferi shqiptar ndodhet në gjendje kritike për jetën

Një shqiptar 50-vjeçar është plagosur si pasojë e një aksidenti që ka ndodhur në qytetin Linz të Austrisë. Shqiptari ishte duke drejtuar kamionin e tij rreth orës 06:40, në drejtim të Linzit në rrugën B12 dhe është përplasur me një maune duke goditur rimorkion e saj.

Nga aksidenti shqiptari 50-vjeçar është plagosur dhe është transportuar me urgjencë në spitalin e Linzit , shkruan “Regio News”.

Kamioni ka pësuar dëme të konsiderueshme në pjesën e përparme. Rimorkioja e maunës është dëmtuar pjesërisht. Policia austriake po punon për zbardhjen e aksidentit.