Aktori Jeremy Renner publikon foton e parë pas aksidentit

Aktori Jeremy Renner ka publikuar foton e parë pas aksidentit të ndodhur, teksa ishte duke pastruar borën në banesën e tij në ditën e Vitit të Ri.

Ylli i “Hawkeye” ka falënderuar dashamirësit e tij për mbështetjen dhe kurajën që i kanë dhënë që nga momenti kur edhe u plagos.

Në një postim në ‘Instagram’ ai ndau një fotografi me ndjekësit e tij, ndërsa shkruan: “Faleminderit të gjithëve për fjalët tuaja të mira. Unë siç e shihni nuk jam shumë mirë tani për të shkruar gjatë, por unë ju dërgoj dashuri të gjithëve.”

“Jeremy po bën përparim pozitiv dhe është zgjuar, duke folur dhe me humor të mirë,” tha Samantha Mast, ndërsa shton: “Ai mbetet edne në ICU. Ai është emocionuar edhe nga shfaqja e dashurisë dhe mbështetjes së madhe”.

Aksidenti ka ndodhur pasi një metër borë ka rënë gjatë natës mes Vitit të Ri. Një stuhi e fortë dimri goditi edhe një herë rajonin, duke rezultuar në humbjen e dhjetëra jetëve.

Sakaq ferma e aktorit të ndodhej në një zonë të thellë malore.